Публикации » Пултаруллисем çĕнтерчĕç

07 февраля 2020 г.

Трак вăтам шкулĕнче оборонăпа массăллă тата спорт ĕçĕн уйăхлăхне хутшăнса 3—4 тата 5—6-мĕш классенче вĕренекенсем хушшинче пионерболла выляса мала тухассишĕн ăмăртусем иртрĕç. Кĕçĕннисен ушкăнĕнчи хĕр ачасен командисем хушшинче 3 “б”, 4 “а”, 4 “б” классем мала тухрĕç. Арçын ачасен командисем вырăнсене çапла пайларĕç: 3 “б”, 4 “б”, 4 “а”. 5—6-мĕш классем хушшинче те çивĕч кĕрешỹ пулчĕ. Хĕр ачасен командисем — 6 “а”, 5 “в”, 6 “б” 1—3 вырăнсене йышăнчĕç. Арçын ачасен командисем хушшинче 5 “в” класс спортсменĕсем çĕнтерчĕç. Иккĕмĕшпе виççĕмĕш вырăнта — 6 “б” тата 6 “а” классен хастарĕсем.

А. Сидоров.