24 января 2020 г.
Раççей Президенчĕ В. Путин çĕнĕ правительствăн йышне палăртрĕ. М. Мишустин премьер-министрăн тăхăр çумĕ пулĕ. Правительство йышне çĕнĕ тăхăр министра тата ултă вице-премьера кĕртнĕ. 12 министр тата 3 вице-премьер хăйсен вырăнĕнчех юлнă. РФ Правительствин Председателĕн пĕрремĕш çумне А. Белоусова çирĕплетнĕ. А. Оверчук, М. Хуснуллин, Д. Григоренко, В. Абрамченко тата Д. Чернышенко вице-премьер пуканне йышăннă. Ю. Трутнев, Ю. Борисов тата Т. Голикова вице-премьер должноçĕнчех юлнă. С. Шойгу оборона, С. Лавров ют çĕршыв, А. Новак энергетика, Д. Патрушев ял хуçалăх, Е. Дитрих транспорт, Е. Зиничев МЧС пуçлăхĕн, Д. Мантуров промышленность суту-илĕвĕн, Д. Кобылкин çут çанталăк ресурсĕсен, А. Силуанов финанс, В. Колокольцев шалти ĕçсен, В. Якушев пурăнмалли çурт-йĕрпе коммуналлă хуçалăх министрĕн должноçĕнчех юлнă. А. Козлова Хĕвелтухăç тата Арктика аталанăвĕн министрне çирĕплетнĕ. М. Мурашко сывлăх сыхлавĕн, О. Любимова культура, А. Котяков ĕçлев, С. Кравцов вĕрентỹ, К. Чуйченко юстици, О. Матыцин физкультурăпа спорт, М. Решетников экономика аталанăвĕн, М. Шадаев çыхăну, В. Фальков наукăпа аслă шкул министрĕнче вăй хурĕç.