Публикации » Виçĕ енлĕ кĕрешỹре

17 января 2020 г.

ЧР Физкультурăпа спорт министерствин олимп резервĕсем хатĕрлекен 3 №-лĕ спорт шкулĕн çăмăл атлетсен манежĕнче Раççей физкультурăпа спорт отличникне С. Бистрова асăнса нумай енлĕ кĕрешỹпе республика шайĕнчи ăмăртусем пулса иртнĕ. Йăлана кĕнĕ ăмăртусемпе 2020 çулта çăмăл атлетсем старт илнĕ. Унта 230 спортсмен хутшăннă. Кашни командăра 5 арçын ачапа 2005—2006 тата 2007—2008 ç.ç. хĕр ачасем пулнă. Спортсменсем çăмăл атлетсен виçĕ енлĕ кĕрешĕвĕн программипе тупăшнă: 60 м чупасси, çỹллĕшне е тăршшĕне сикесси, 600 м е 500 м чупасси. Трак енĕн пĕрлештернĕ команди тăххăрмĕш вырăн йышăннă. Виçĕ енлĕ кĕрешỹре 2007—2008 ç.ç. хĕр ачасем хушшинче пирĕн Варвара Прокопьевăпа Аида Васильева 75 спортсменка хушшинче 10 тата 13-мĕш вырăн йышăннă.