Публикации » Анлă лару иртнĕ

27 декабря 2019 г.

Район администрацийĕн пуçлăхĕ А. Кузнецов тата вĕрентỹ пайĕн ертỹçи С. Григорьева ертсе пынипе çул çитменнисемпе ĕçлекен тата вĕсен прависене хỹтĕлекен комиссин анлă ларăвĕ пулса иртнĕ. Унăн ĕçне РФ Шалти ĕçсен министерствин муниципалитетсем хушшинчи “Цивильский” пайĕн районти полици уйрăмĕн пуçлăхĕн çумĕ С. Петров хутшăннă. Кун йĕркинчи пĕрремĕш ыйтупа районти тĕп сыватмăшăн врач-наркологĕ Г. Сушко сăмах илнĕ. Галина Николаевна пухăннисем умĕнче çул çитменнисем хушшинче профилактика ĕçне туса ирттересси, наркотик пур снюс çамрăк организма пысăк сиен кỹни пирки каласа кăтартнă. Райадминистрацин вĕрентỹ пайĕн консультаципе диагностика центрĕн заведующийĕ Т. Яковлева “Первичная профилактика психоактивных веществ среди молодежи” темăпа тухса калаçнă. Юлашкинчен ларура Çĕнĕ çул уявĕн мероприятийĕсене йĕркеленĕ чухнехи хăрушсăрлăх ыйтăвĕсене тишкернĕ.