27 декабря 2019 г.
Çĕнĕ çул — чи юратнă, ырă та савăк, юмах тĕнчиллĕ уяв. Праçнике кашни çемьере, килте, ача-пăча пахчинче кĕтеççĕ. Райцентрти “Чебурашка” ача садĕнчи “Пчелки” ушкăнра “Новогоднее представление с Бабой Ягой” Çĕнĕ çул уявĕ иртрĕ. Вăл ачасене çеç мар, ашшĕ-амăшне те савăк кỹчĕ. Пепкесем сăвăсем вуларĕç, симĕс чăрăш тавра тăрса ташăсем парнелерĕç. Уяв паттăрĕсем — Хĕл Мучи, Юр пике тата Вупăр карчăк пулчĕç. Епле уяв-ха вăл парнесĕр? Хĕл Мучипе Юр пике кĕçĕннисене уяв парнисем кỹчĕç Уява хатĕрленме ашшĕ-амăшĕсем те пысăк тỹпе хыврĕç: теттесем хатĕрлерĕç, симĕс чăрăша капăрлатрĕç. Л. Осипова.