Публикации » Çамрăк педагогсем тĕллевсене палăртнă

24 декабря 2019 г.

 Трак вăтам шкулĕн никĕсĕ çинче районти çамрăк педагогсен канашĕн ларăвĕ иртнĕ. Унта канаш председателĕ О. Аркадьева çамрăк педагогсен канашĕн 2019-2020 вĕренỹ çулĕнчи иккĕмĕш çур çул валли хатĕрленĕ ĕç планĕпе паллаштарнă. Трак вăтам шкулĕн музыка учителĕ В. Васильев “Мечта” санатори-профилакторире иртнĕ республикăри çамрăк педагогсен форумĕ çинчен каласа кăтартнă. Вĕрентỹ тытăмĕнче ĕçлекенсем профсоюз райкомĕн председателĕ С. Суховетрюк пухăннисене “Педагогический дебют” районти конкурсăн положенийĕпе паллаштарнă. А. Васильева педагог-психолог ĕçлĕ вăйă ирттернĕ. Трак вăтам шкулĕн вырăс чĕлхипе литературине вĕрентекен Н. Николаева ФГОСпа килĕшỹллĕн урок тапхăрĕсем çинчен каласа кăтартнă. Канаш ларăвĕ çавра сĕтел хушшинчи калаçупа вĕçленнĕ.