24 декабря 2019 г.
И.Н. Ульянов ячĕллĕ Чăваш патшалăх университечĕн никĕсĕ çинче “Бизнес-тренды — 2020: от идеи до прибыли” ятлă предпринимательсен форумĕ иртнĕ. Унта ертсе пыракан экспертсем 2020 çулта бизнеса аталантармалли тĕп çул-йĕре сỹтсе явнă. Ку форум бизнеса ертсе пымалли опыта сỹтсе явмалли, çĕнĕ пĕлỹ илмелли, малашлăха тишкермелли лапам пулса тăнă. Форума пирĕн район администрацийĕн специалисчĕсемпе Трак енри пĕчĕк тата вăтам предпринимательлĕх субъекчĕн çыннисем — “КЕТРА” ООО директорĕ М. Андреев, кунти техника директорĕ И. Воронов, райпо канашĕн председателĕ Р. Николаева, “Красноармейскинчи çăкăр комбиначĕ” ООО директорĕ Е. Сидорова, предприниматель ĕçне тытăнакан М. Шумилов, ыттисем хутшăннă. Залра Чăваш Енри промышленность тата апат-çимĕç туса илекен тытăмра тăрăшакан предпринимательсен куравне йĕркеленĕ.