20 декабря 2019 г.
Упири пĕтĕмĕшле пĕлỹ паракан вăтам шкулăн спорт залĕнче РФ нефтьпе газ промышленноçĕн тава тивĕçлĕ ĕçченне, газ промышленноçĕн хисеплĕ ĕçченне, Чăваш Республикин тава тивĕçлĕ строительне, пирĕн районăн хисеплĕ гражданинне А. Слукина асăнса ирĕклĕ майпа кĕрешес енĕпе ăмăртусем пулса иртнĕ. Шучĕпе вĕсем 18-мĕш пулнă. Кăçал унта Трак енри çамрăк кĕрешỹçĕсем — пĕтĕмпе 65-ĕн тупăшнă. Ăмăртусен хăнисем, ашшĕ-амăшĕ спортсменсене хавхалантарса тăнă. Унта хăйсен виçе категорийĕсенче Иван Константиновпа Филипп Максимов пĕрремĕш вырăн йышăннă. Хĕр ачасенчен Дарья Осиповăна çитекенни пулман. Çавăн пекех тупăшусенче Власий Владимиров, Артем Николаев, Артем Дмитриев, Клим Яковлев, Сергей Белов, Дмитрий Абрамов, Роман Романов, Мария Александрова, Аня Константинова тата Ксения Алексеева палăрнă. Çĕнтерỹçĕсем Дипломсене тата пылак çимĕçсене тивĕçнĕ.