10 декабря 2019 г.
Çавна май иртнĕ эрнере Шупашкарта Чăваш наци музейĕнче коррупципе кĕрешес сферăра информаци ĕç-хĕлне йĕркелес ыйтусемпе семинар-канашлу иртнĕ. Унта массăллă информаци хатĕрĕсен ĕçченĕсем те хутшăннă. Семинарта ЧР прокуратурăн, ШĔМ, следстви комитечĕн представителĕсем (С. Галошев, А. Якушевич, О. Дмитриев, А. Исаев) тухса калаçнă, журналистсен ыйтăвĕсене тĕплĕн хуравланă. ЧР "НТРК" автономи учрежденийĕн ĕçченĕсем — М. Шоклева тата А. Иванова социаллă реклама хатĕрлес ĕç опычĕпе паллаштарнă. Канашлăва ЧР Цифра аталанăвĕпе информаци политикин тата массăллă коммуникацисен министрĕн çумĕ Ю. Стройкова ертсе пынă. 2019 çулта массăллă информаци хатĕрĕсем хушшинче йĕркеленĕ конкурсра коррупципе кĕрешес ыйтусене тĕплĕн çутатса панă журналистсене палăртнă, вĕсене Дипломсемпе чысланă. Т. Николаева.