06 декабря 2019 г.
Иртнĕ канмалли кунсенче ЧР Физкультурăпа спорт министерствин Çĕнĕ Шупашкарти 3 №-лĕ СШОРăн çăмăл атлетсен манежĕнче Совет Союзĕн Паттăрне Н.М. Дудецкине асăнса çăмăл атлетика енĕпе ăмăртусем пулса иртнĕ. Унта Чăваш Енти хуласемпе районсенчи, Атăл çи федераци округĕнчи регионсенчи 600-е яхăн спортсмен хутшăннă. Ăмăртусенче 2005—2006 ç.ç. хĕрсемпе каччăсем тупăшнă. Икĕ кун хушшинче спортсменсем çăмăл атлетикăн 13 енĕпе кĕрешнĕ. 60 м, 200 м, 400 м, 800 м, 1500 м, 3000 м, 60 м тата 2000 м чăрмавсем урлă чупасси, тăршшĕне сикесси, çỹллĕшне сикесси, сăнă ывăтасси, йĕтре пересси, 3000 м (хĕрсем), 5000 м (каччăсем) утасси. Асăннă ăмăртусене Трак енри 18 çамрăк спортсмен хутшăннă. Наталия Васильева (2003—2004 ç.ç.) 2000 м чăрмавсем урлă чупассипе виççĕмĕш пулнă. Екатерина Артемьева 1500 м чупассипе, Леонид Платонов çỹллĕшне сикессипе, Никита Яковлев 2000 м чăрмавсем урлă чупассипе япăх мар кăтартусемпе палăрнă.