Публикации » Пĕтĕм Раççейри ăмăртусене хутшăннă

29 ноября 2019 г.

 Иртнĕ юнкун Трак вăтам шкулĕн вĕренекенĕсем шахмат енĕпе вĕренỹ учрежденийĕсен командисем хушшинче йĕркеленĕ Пĕтĕм Раççейри “SBERBANK Chess OPEN” ăмăртусенче вăй виçнĕ. Ăна ЧР Вĕрентỹ тата çамрăксен политикин министерстви, “Чăваш Енĕн шахмат федерацийĕ” регионти общество организацийĕ тата Перекет банкĕ ПАОн Чăваш Енри 8613 №-лĕ уйрăмĕ йĕркеленĕ. Командăра 1-11-мĕш классенче вĕренекен тăватă шахматист пулнă. Трак шкулĕн чысне пиллĕкмĕш класра вĕренекенсем (тренерĕ А. Васильев) хỹтĕленĕ. Пĕтĕм Раççейри ăмăртусене савăнăçлă лару-тăрура хупма Чăваш Ен Пуçлăхĕ М. Игнатьев хутшăннă, спортсменсене саламланă. Асăннă ăмăртусем пирвайхи хут 2016 çулта иртнĕ. Вĕсене 20 команда хутшăннă. Кăçал вара тупăшăва 250 шахматист килсе çитнĕ.