26 ноября 2019 г.
Чỹк уйăхĕн 22-мĕшĕнче районти Культура çуртĕнче Пĕтĕм тĕнчери Амăшĕсен кунне халалласа "Как солнышко в окошке, мамочка моя" концерт иртрĕ. Уява килнисене Красноармейски районĕн администрацийĕн пуçлăхĕн çумĕ В. Иванов саламларĕ: "Хисеплĕ хĕрарăмсем! Хаклă та юратнă аннесем! Красноармейски районĕн админи-страцийĕн пуçлăхĕн А. Кузнецов ячĕпе Сире чи ăшă та кăмăллă уявпа — Амăшĕсен кунĕпе — саламлатпăр! Юрату, телей, çирĕп сывлăх, ăнăçу сунатпăр!" Залра ларакан аннесене, асаннесемпе кукамайсене, хăнасене сценка лартса кăтартрĕç, "Хавал" ансамбль, Еленăпа София Порфирьевсем, Л. Егорова, В. Волков, Е. Небытов, Н. Яковлев, ветерансен хорĕ илемлĕ юрăсем шăрантарчĕç, "Взгляд" ушкăн ташăсем парнелерĕ, Ульяна Михайлова сăвă вуласа пачĕ. Уява килнисем фойере ачасем хăйсен аллисемпе ăсталанă япаласен куравне пăхса киленчĕç. Т. Филиппова.