26 ноября 2019 г.
Анне — кашни ачан пĕрремĕш сăмахĕ. Çĕр çинче унран çывăхрах çын та çук пулĕ. Сăмахĕ те хăйех чуна ăшăтать, сăн-пите çутатать, савăнăç кỹрет, çутă ĕмĕтсем парнелет… Юратнă çын пире чĕре айĕнче тăхăр уйăх йăтса çỹрет, çын тăвассишĕн ырми-канми тăрăшать. Мĕн пĕчĕкренех вăл хăйĕн ăшшипе юратăвне пире парса ỹстерет, тĕрĕс çул çине тăратма ăнтăлать, йывăрлăхра пулăшать. Çавăнпа та эпир, "Чебурашка" ача садĕнчи "Пыл хурчĕ" ушкăнти пĕчĕк шăпăрлансем, хамăрăн чи хаклă аннесене уяв ячĕпе саламлатпăр, хамăр алăпа тунă илемлĕ шлепкесене парнелетпĕр, вĕсене чунтан юратнине систеретпĕр. Л. Осипова.