22 ноября 2019 г.
Район администрацийĕн пуçлăхĕ А. Кузнецов Красноармейски ялĕнчи "Çĕнтерĕве 30 çул" урамра (Сельхозтехника пулнă территоринче) çĕкленекен çĕнĕ котельнăйăн строительствипе паллашнă. Çĕнĕ котельнăй ĕçе кĕрсен вăл райцентрти Механизаторсен урамĕнчи нумай хваттерлĕ 2-14 çуртсене, "Çĕнтерĕве 30 çул" урамри ачасемпе çамрăксен спорт шкулне, 16-мĕш çурта ăшăпа тивĕçтермелле. Объекта ĕçе кĕртессипе "Эксперт Инжиниринг" ООО ĕçченĕсем тăрăшаççĕ. Çакна палăртмалла: кăçал Трак енре 8 котельнăй ĕçе янă. Пикшик, Кĕçĕн Шетмĕ шкулĕсенче, "Звездочка" , "Чебурашка" ача сачĕсенче, Красноармейски вăтам шкулĕн Янкасри шкул çулне çитменнисен ушкăнĕнче котельнăйсем çĕклесе лартнă. Чатукасси, Карай, Упи, Алманч шкулĕсенчи котельнăйсене çĕнĕ оборудованисемпе пуянлатнă.