Публикации » Республикăри социаллă пĕлтерĕшлĕ проекта пурнăçласа. “Юратнă тăрăх Трак ен” проект: “Тăван Красноармейски районĕ”.

15 ноября 2019 г.

“Уют-Монтаж” çĕнтернĕ

Чỹк уйăхĕн 10-мĕшĕнче, Раççей Федерацийĕнчи шалти ĕçсен органĕсен сотрудникĕн кунне халалласа, Трак вăтам шкулĕн спортзалĕнче волейбол турнирĕ пулса иртнĕ. Тупăшăва 5 команда хутшăннă: Трак енри “Уют-Монтаж”, “Итмар” (Чатукасси), “Динамо”, Куславкка тата Çĕрпỹ районĕсенчи шалти ĕçсен пайĕсенче ĕçлесе тивĕçлĕ канăва тухнисем. Спортсменсене Трак енри шалти ĕçсен пайĕнче ĕçлесе тивĕçлĕ канăва тухнă ветерансен канашĕн председателĕ В. Михайлов тата “Динамо” команда капитанĕ С. Батраков саламланă. Вăйăсем çивĕч кĕрешỹре иртнĕ. Унта “Уют-Монтаж” çĕнтернĕ. Иккĕмĕшпе виççĕмĕш вырăнсенче “Итмарпа” “Динамо”. Çĕнтерỹçĕсем Кубоксене, медальсене тата Хисеп хучĕсене тивĕçнĕ.

Г. Борзин.