Публикации » Пĕтĕм тĕнчери логопед кунĕ

15 ноября 2019 г.

 Чỹк уйăхĕн 14-мĕшĕнче Красноармейскинчи культура çуртĕнче вырнаçнă диагностикăпа консультаци центрĕнче ĕçлекенсем Пĕтĕм тĕнчери логопед кунне халалласа ашшĕ-амăшĕсемпе тĕл пулу ирттерчĕç. Çакăн пек курсра шкул çулне çитмен тата кĕçĕн класра вĕренекен ачасен калаçăвĕнчи "р" сасса тĕрĕс лартма пулăшасси тата вĕрентесси тĕпре пулчĕ. Асăннă центрăн заведующийĕ Т. Яковлева, З. Аркадьева логопед, А. Ефимова педагог-психолог ашшĕ-амăшĕсемпе усăллă калаçу ирттерчĕç, артикуляци гимнастикине епле тумаллине кăтартрĕç, кирлĕ те паха сĕнỹсем пачĕç. Мероприяти вĕçленнĕ май кунта килнисене "500 рублей", "Родителей не выбирают" социаллă роликсем кăтартрĕç. Видеосем кашни ларакан чĕрине тыткăнларĕç. Пĕрле пуçтарăннисем "Ашшĕ-амăшĕсен клубне" йĕркелесе ямалли шухăша та ырларĕç.