Публикации » Паллă артистсене халалласа

12 ноября 2019 г.

Чỹк уйăхĕн 7-мĕшĕнче Хĕрлĕ Чутай районĕнче çуралса ỹснĕ, К.В. Иванов ячĕллĕ Чăваш патшалăх академи драма театрĕн сцени çинче вылянă И. Садовниковăпа Н. Булаткина асăнса йĕркелекен “Асамлă чаршав” республикăри фестивале хутшăнса Трак енсем çивĕч тупăшăва икĕ спектакль кăларнă. Чи малтанах пухăннисене район администрацийĕн пуçлăхĕн тивĕçĕсене пурнăçлакан С. Григорьевпа Хĕрлĕ Чутай район администрацийĕн культура, туризм тата архив ĕçĕн пайĕн ертỹçи, жюри председателĕ, ЧР культурăн тава тивĕçлĕ ĕçченĕ А. Самсонов саламланă. Куракансем Кĕçĕн Шетмĕри кану центрĕ çумĕнчи “Романтики” халăх театрĕ Е. Федорова пьеси тăрăх лартнă “Шăпчăк килчĕ пахчана” (режиссерĕ А. Бажбенова) тата районти Культура çурчĕ çумĕн-чи халăх театрĕн “Çеçке çурчĕ юрату” спектакльне (К. Васильева) хак панă.