Публикации » Тав сăмахĕ калатпăр

25 октября 2019 г.

 Çакна эпир чылай вăхăт кĕтрĕмĕр. Йĕпе-сапаллă çанталăкра асăннă урама кĕрсе тухма чăн-чăн нушаччĕ. Район администрацийĕн пуçлăхĕ А. Кузнецов пирĕн нушана ăнланчĕ, пулăшма пулчĕ. Эпир чăвашсен ниме мелĕпе тăрăшрăмăр. Пуçару бюджечĕн мелĕпе ял çыннисем укçа пухрĕç. ЧР Патшалăх Канашĕн депутачĕ, “ТУС” ХАО-н ертỹçи Н. Угаслов витĕмлĕ пулăшу кỹчĕ. Çула тума вырăнти тата республика бюджечĕсенчен укçа уйăрнă. Красноармейски ял тăрăхĕн пуçлăхĕ П. Моисеев тата “Дорремстрой” ООО директорĕ Б. Иванов та тав сăмахне илтме тивĕç. 990 метр тăршшĕ çул хута кайрĕ. Вутлансем, уйрăмах аслă ăру çыннисем, хăйсен савăнăçне паян кун та пытараймаççĕ. В. Павлов.