Публикации » Комисси канашланă

15 октября 2019 г.

Район администрацийĕн пуçлăхĕн çумĕ-вĕрентỹ пайĕн начальникĕ С. Григорьева йĕркелесе пынипе çул çитменнисен ĕçĕсемпе тата вĕсен прависене хỹтĕлес енĕпе тăрăшакан комиссин черетлĕ ларăвĕ пулса иртнĕ. Ларура РФ Шалти ĕçсен министерствин муниципалитетсем хушшинчи полицин Çĕрпỹри уйрăмĕн районти пайĕн çул çитменнисемпе ĕçлекен инспекторĕ М. Татмина кăçалхи виççĕмĕш кварталта пăхса тăманнипе ачасем тунă киревсĕр ĕçсем пирки чарăнса тăнă. Çак тапхăрта икĕ преступлени шута илнĕ: Алманч ял тăрăхĕнче çул çитменнисем мопед вăрланă, Красноармейски ял тăрăхĕнче харкашуллă тĕслĕх пулнă. Унта çавăн пекех ашшĕ-амăшĕ енĕпе административлă 6 ĕç пăхса тухнă. Комисси йышăнăвĕпе 3 ашшĕ-амăшне асăрхаттарнă, виççĕшне 3 пин тенкĕлĕх штрафланă, çул çитменнисем пирки икĕ административлă ĕçе тишкернĕ, вĕсем çине 1000 тенкĕлĕх штраф хунă, профилактика учетне илнĕ.