Публикации » Пахча-анкарти тупăш кỹрет

11 октября 2019 г.

 Ял çыннишĕн пахча-анкарти, кил-çурт çывăхĕнчи çĕр лаптăкĕ хушма тупăш илмелли çăл куç пулса тăрать. Пĕрисем унта пахча çимĕç, теприсем пылак çырла, виççĕмĕшсем тĕрлĕрен чечек çитĕнтереççĕ. Вĕсенчен тупăш илме вара нумай çул пухăннă опыт тата кĕнеке-журнал пулăшать. Шывпуçĕнчи ялти вулавăшри “Пахча тупăш пачĕ” ятлă сĕнỹ-канашлă çавра сĕтел хушшинчи калаçу иртрĕ. Унта пухăннисем кĕçал хăйсен анкартинче туса илнĕ пахча çимĕç, ытти культурăсен вăрттăнлăхĕсемпе паллаштарчĕç. Асăннă мероприяти тĕлне вулавăшра “Пахча çемьене тупăш парать” ятлă кĕнекесен куравне йĕркеленĕ. Л. Егорова библиоекарь вара “Моя прекрасная дача” кăларăмри çĕнĕлĕхсемпе, “Пахча çемьене тупăш парать” презентаципе паллаштарчĕ. Презентаци геройĕсем — кĕнеке вулама юратакансем.