Публикации » “Сасăпа вуламалли кун”

11 октября 2019 г.

 Чăваш республикинчи ача-пăчапа çамрăксен библиотекин сĕнĕвĕпе юпа уйăхĕн 9-мĕшĕнче Трак енри вулавăшсенче те “Сасăпа вуламалли кун” акци иртрĕ. Çак кун Упири ялти вулавăш ĕçченĕ Л. Егорова тата вырăнти вăтам шкулти чăваш чĕлхипе литературине вĕрентекен С. Петрова 5-мĕш классемпе К. Ивановăн “Тимĕр тылă” произведенине сасăпа вуларĕç. Л. Егорова вĕренекенсене кирек епле произведенине те сасăпа вулама сĕнчĕ. Çакă — калаçăва аталантармалли чи лайăх мел. Ачасем вулавăша килсе хăйсем юратнă кĕнекесене сасăпа вулама пултарчĕç. Çавна май вĕсем хăйсен кăмăлне çĕклерĕç. ; ; ; Алманчри ялти вулавăшра та асăннă акци çỹллĕ шайра иртрĕ. Вулавăш ĕçченĕ О. Долгова витĕм кỹнипе пĕрремĕшсем Р. Киплингăн “Почему у слоненка длинный хобот?” юмаха чăвашла вуларĕç. Иккĕмĕшсем вара Г. Волковăн “Кил илемĕ” калавĕпе паллашрĕç. 7-мĕш классем М. Лермонтовăн 205 çулхи юбилейне халалласа “Вырăссен аслă поэчĕ” литература сехетне пухăнчĕç, поэтăн сăввисене сасăпа вуларĕç.