Публикации » Ямайкасси ялĕнче хытă сийлĕ çул

08 октября 2019 г.

Çак кунсенче Ямайкассинчи тĕп урамра хытă сийлĕ 390 метр тăршшĕ çула хута ячĕç. Ял халăхĕ çуркуннехи пĕр пухура урама юсаса хытă сийпе витес ыйтăва çĕклерĕ. В. Фомин пуçлăх ял халăхне “Граждансен пуçаруллă бюджечĕ” программа çинчен ăнлантарчĕ. Кашни хуçалăхран 5-шер пин тенкĕ пухма йышăнса хăварчĕç. Пикшик ял тăрăхĕн Пухăвĕн депутачĕ В. Захаров çине тăнипе кĕске вăхăтра халăхран 150 пин тенкĕ пуçтарса асăннă прграммăна кĕрсе юлма пултарчĕç. В. Фомин каланă тăрăх, халăхран пухнă укçасăр пуçне вырăнти бюджетран 333 пин, республикăринчен 726 пин, пурĕ 1 млн 210 пин тенкĕ уйăрнă. Ĕçсене “Дормажсервис” организацийĕ (ертỹçи В. Трофимов) пурнăçларĕ. Вĕсен ĕçĕпе ял халăхĕ кăмăллă юлчĕ. Л. Соловьев.