08 октября 2019 г.
Иртнĕ эрнекун, юпа уйăхĕн 4-мĕшĕнче, Трак енре Учитель тата Воспитатель, шкул çулне çитмен учрежденисенче тăрăшакансен кунĕсене савăнăçлăн паллă турĕç. Районти Культура çуртне вĕрентекенсем, воспитательсем, педагогика ĕçĕн ветеранĕсем пухăнчĕç. Савăк уява район администрацийĕн пуçлăхĕ А. Кузнецов, ЧР Патшалăх Канашĕн депутачĕ, ЧНК президенчĕ Н. Угаслов, вĕрентỹ пайĕн ертỹçи С. Григорьева, районти çамрăк педагогсен канашĕн председателĕ О. Аркадьева, РФ вĕрентỹпе наука ĕçченĕсен профсоюз организацийĕн районти тытăмĕн председателĕ С. Суховетрюк, ял тăрăхĕсен пуçлăхĕсем хутшăнчĕç. Вĕсем педагогсене професси уявĕ ячĕпе ăшшăн саламларĕç, çирĕп сывлăх, телей, ăнăçу, творчество ĕçĕнче çитĕнỹсем сунчĕç. Педагогсен пысăк ушкăнĕ тĕрлĕ шайри наградăсене тивĕçрĕ. Трак вăтам шкулĕн вĕрентекенне И. Ананьевăна РФ Вĕрентỹ министерствин Хисеп грамотипе наградăланă.