Публикации » Çĕнтерÿпе таврăнчĕç

09 февраля 2010 г.

Шупашкар районĕнчи Лапсар поселокĕ çумĕнчи вăрманта нарăсăн 6-мĕшĕнче республикăри судьясем, судра ĕçлекенсем хушшинче йĕлтĕрпе чупассипе ăмăрту иртрĕ.

Çак ăмăртăва Чăваш Республикин Судьясен канашĕпе суд департаменчĕ йĕркеленĕ. Асăннă ăмăртура район сучĕн коллективĕ те хутшăнса пысăк çитĕнÿсем кăтартрĕ. Команда хăйĕн кăтартăвĕсемпе виççĕмĕш вырăна тухрĕ. Судьяна пулăшаканĕ Н. А. Сидорова хăйĕн çулхисен ушкăнĕнче дистанцине пĕрремĕш тухрĕ. Суд председательне пулăшаканĕ И. М. Ефимов 50 çул урлă каçнисем хушшинче виççĕмĕш вырăн йышăнчĕ. Вĕсем медальпе диплома, тата хаклă парнесене тивĕçрĕç. Юлашки вăхăтра командăна ăмăртăва хатĕрленме ДЮСШ тренерĕ П. М. Сергеев пулăшнă.