05 февраля 2010 г.
Нарăс уйăхĕн 1-мĕшĕнче Пĕтĕм Раççейри “Единая Россия” политика партийĕн Красноармейскинчи вырăнти уйрăмĕн политика канашĕн секретарĕ, район администрацийĕн пуçлăхĕ С. Николаев йĕркелесе пынипе политканашăн черетлĕ ларăвĕ иртнĕ.
Унта “Упрамалла тата пуянлатса пымалла” программа докуменчĕ, уйрăммăн кăçалхи 1 кварталти ĕç планĕ, унăн Тăван çĕр-шывăн Аслă вăрçинче Çĕнтерÿ тунăранпа 65 çул çитнине тивĕçлипе кĕтсе илмелли мероприятисен планĕ çинчен тата ытти ыйтусем пăхса тухнă.
Ларура çавăн пекех асăннă политика партийĕн “Траковская” пуçламăш организацийĕн секретарĕн И. Козловăн отчетне те итленĕ. Иван Михайлович хăйĕн сăмахĕнче кунта çак партин 20 членĕ шутра тăнине, вĕсем сахал мар ĕç ирттернине палăртнă.