Публикации » Ентеш-паттăра манмаççĕ

29 января 2010 г.

Кăрлач уйăхĕн 23-мĕшĕнче хамăр ентеш, Мăн Шетмĕ ялĕнче çуралнă Совет Союзĕн Геройĕ В. В. Васильев Одер юхан шывĕшĕн пынă çапăçура паттăррăн пуç хунăранпа 65 çул çитрĕ.

Çавна май Мăн Шетмĕри ун ячĕллĕ шкулта класс сехечĕсемпе шăплăх минучĕсем иртрĕç. Кунти тĕслĕх библиотекинче вара ентеш-паттăра сума суса Асăну урокĕ пулчĕ. 5—6 классенче пĕлÿ илекенсем валли (вĕрентекенĕ С. М. Назарова) “Совет Союзĕн Геройĕ Владимир Васильев” электронлă презентаци иртрĕ. Ачасене ытларах мухтавлă ентешĕн ачалăхĕпе паттăр-лăхĕ интереслентерчĕ. Вĕ-сен ыйтăвĕсене тĕслĕх библиотека заведующийĕ Р. Г. Герасимова хуравларĕ. Библиотекăрах паттăра халалласа “Подвиг на Одере” кĕнеке выставки те йĕркеленĕ.