26 января 2010 г.
Районти йĕлтĕрçĕсен пĕрлештернĕ команди республика чемпионатĕнче ăнăçлă ăмăртнă, 1621 очко пухса, виççĕмĕш вырăн йышăннă.
Тĕслĕхрен, 1992—1993 çулсенче çуралнă арçын ачасем хушшинче 10 километра райцентрти иккĕмĕш шкулта вĕренекен Владимир Петров классика мелĕпе 32 минут та 28,7 çеккунтра чупса тухнă, пĕрремĕш вырăн йышăннă. Асăннă дистанцире Константинпа Николай Львовсем (иккĕшĕ те гимнази) иккĕмĕшпе виççĕмĕш вăхăт (32.49,4 — 33.37,4 мин.) кăтартнă.
Асăннă дистанцие классика мелĕпе чупассипе 15—16 çулсенчи арçын ачасем хушшинче Н. Еремеев — пĕрремĕш, А. Чернов — иккĕмĕш, Е. Иванов 5-мĕш вырăн йышăннă.
Хĕрарăмсен ушкăнĕнче 10 километра ирĕклĕ мелпе М. Семенова 4-мĕш вĕçленĕ.
17—18 çулхи арçын ачасенчен 15 километра ирĕклĕ мелпе чупассипе В. Петров — иккĕмĕш, Н. Львов виççĕмĕш вырăн йышăннă.
15—16 çулхи арçын ачасем хушшинче ку дистанцире А. Чернов — иккĕмĕш, Н. Еремеев — тăваттăмĕш, Е. Иванов улттăмĕш вăхăт кăтартнă.