26 января 2010 г.
Январĕн 16—17-мĕшĕсенче Çĕнĕ Шупашкарти манежра Атăл çи федераллă окургăн çăмăл атлетика чемпионачĕ тата ку енĕпе асăннă окургра мала тухассишĕн ăмăрту иртнĕ. Унта пирĕн районти спортсменсем ăнăçлă вăй виçнĕ.
Пĕрремĕш кунĕнче Кĕçĕн Шетмĕри Оксана Хайбуллина 5000 метра хăвăрт утассипе хĕрсем хушшинче, Яманакри Людмила Кузьмина хĕрарăмсен 3000 метрлă чăрмавлă дистанцийĕнче, Кÿлçырмари Эдуард Краснов çамрăк ачасенчен 1500 метрлă дистанцире, чи лайăх вăхăтсем кăтартса, пĕрремĕш вырăн çĕнсе илнĕ. Çеçмерти Данил Данилов юниорсенчен 1500 метра иккĕмĕш чупса тухнă.
Иккĕмĕш кунĕнче 3000 метрлă дистанцире Э. Краснов çамрăксенчен — ылтăн, Д. Данилов юниорсем хушшинче кĕмĕл медальсене çĕнсе илнĕ.
Çăмăл атлетсем хăйсен çĕнтерĕвĕсене район юбилейне халаллаççĕ.