26 января 2010 г.
Трак чăваш нимĕç гимназийĕн никĕсĕ çинче республикăри вăрманçăсен олимпиадин районти этапĕн кăтартăвĕсене пĕтĕмлетнĕ.
Олимпиадăна районти 9 шкулти 14 вĕренекен хутшăннă Вĕсен ĕçне районти шкулсенчи В. Иванова, Г. Яковлева, Л. Фролова, И. Васильева, Р. Петрова педагогсем хак панă.
Хĕрÿ кĕрешÿре, 13 балл пухса, Трак чăваш-нимĕç гимназийĕнчи А. Сорокин (ертÿçисем В. Ивановапа М. Ашмарина) çĕнтернĕ. Иккĕмĕш вырăнта райцентрти иккĕмĕш вăтам шкулти М. Фризен (ертÿçи — И. Васильева). Д. Николаев (Упи шкулĕ, Л. Фролова), Л. Михайлова (Пикшик, Р. Петрова), Н. Павлов (Карай, З. Иванова) — виççĕмĕш вырăнта. Çĕнтерÿçĕсене хисеп грамотисемпе тата призсемпе чысланă. Чи лайăх виçĕ ĕçе республикăри олимпиадăна тăратма сĕннĕ.