15 января 2010 г.
Райхаçат редакцийĕ Çĕнĕ çул умĕн пур çыхăну уйрăмĕсенче те “Ял пурнăçне” çырăннисем хушшинче лотерея вăййи йĕркелерĕ.
Райхаçатăн парнине — пĕр михĕ комбикорма — Красноармейски çыхăну уйрăмĕнчи Янкас ялĕнче пурăнакан Людмила Николаевна Маркелова выляса илнĕ.
Л. Маркелова çамрăк-ха, “Ял пурнăçĕ” хаçата пĕрремĕш çул кăна çырăнса илет. Мăшăрĕпе, Владимир Геннадьевичпа, “Бахча” пĕрлешÿре тăрăшаççĕ.
— Хама питех те телейлĕ тесе шутлатăп, — тет Людмила Николаевна, — малашне те район хаçачĕпе туслă пуласшăн. Л. Михайлова почтальонкăна та тав сăмахĕ калама тивĕç. Вăл хистенипех эпĕ район хыпарçине кăçалхи пĕрремĕш çур çул валли çырăнса илтĕм.