15 января 2010 г.
Тăван çĕр-шыв ирĕклĕхĕшĕн пынă иртнĕ вăрçăна хутшăннă çынсем çулленех сахалланса пыраççĕ.
Акă, Янкас ялĕнче вĕсем иккĕн çеç юлчĕç. Иккĕшĕ те пĕр ятлă: пĕри — Григорий Кириллович Кириллов (сулахайри) — 1920 çулта, тепри-Григорий Димитриевич Димитриев 1924 çулта çуралнă. Ватă пулин те, вĕсем халăх хушшине тухса çÿреççĕ, массăллă мероприятисене хутшăнаççĕ, шкул ачисемпе тĕл пулаççĕ. Аса илмелли, каласа памалли сахал мар ветерансен. Килте те ахаль лармаççĕ: выльăх-чĕрлĕх, кайăк-кĕшĕк, пыл хурчĕсем пăхаççĕ, сад-пахчара тĕр-лĕрен çимĕçсем туса илессипе тăрмашаççĕ.
Хаçатăн обществăлла корреспонденчĕ Н. Ершов икĕ Гришăна иртнĕ çулхи Çĕнтерÿ кунĕнчи уявра ÿкерсе илнĕ.