15 декабря 2009 г.
Декабрĕн 5—6-мĕшĕсенче Çĕнĕ Шупашкарти манежра Совет Союзĕн Геройне Н. М. Дудецкие асăнса çăмăл атлетика енĕпе Раççейри хуласенчи шкул ачисен йăлана кĕнĕ ăмăртăвĕ иртнĕ. Унта Трак енри вĕренекенсем те хутшăннă, япăх мар кăтартусемпе палăрнă.
Акă, тĕслĕхрен, Еншик Чуллă шкулĕнчи Костя Семеновпа Рома Георгиев 3000 метра утас енĕпе 1995—1996 çулсенче çуралнă арçын ачасем хушшинче пĕрремĕшпе иккĕмĕш вăхăтсем кăтартнă, çак ÿсĕмрех Мария Денисова хĕр ачасенчен — виççĕмĕш, Светлана Емельяновапа Лидия Яркова 1993—1994 çулсенче çут тĕнчене килнĕ хĕрсенчен иккĕмĕшпе виççĕмĕшсем пулнă.
Вĕсене ăмăртăва ДЮСШ тренерĕ В. П. Петров хатĕрленĕ.
Трак гимназийĕнчи Люба Егорова (тренерĕ В. В. Моисеев), тăршшĕне 4 метр та 75 сантиметра сиксе, ку ăмăртура иккĕмĕш вырăн йышăннă.