11 декабря 2009 г.
Карайри кану центрне çитсе курăр-ха. Кăмăллă кĕтсе илет вăл. Кунта мероприятисем те палăртнă тăрăх пурнăçланса пыраççĕ. Акă, анчахрах амăшĕсен кунĕ ячĕпе “Çавра сĕтел” ятпа тĕл пулу йĕркелерĕç.
Унта çирĕм ытла асаннепе аннесем хутшăнчĕç. Кашниех тутлă апат-çимĕç пĕçерсе пынă. Сĕтел çинче сиплĕ чей пăсланчĕ.
“Çавра сĕтел” тĕл пулура концерт программи те пуян пулчĕ. Юрă-ташă ăстисем юрă хыççăн юрă, вĕсем чăвашла та, тутарла та, шăрантарчĕç.