11 декабря 2009 г.
Кăçалхи декабрĕн 2-мĕшĕнче районти патшалăх — пушар надзорĕн уйрăмне Алманчран хыпар-хăнар çитнĕ. Асăннă ял тăрăхĕнчи Туçи Чуракассинче ноябрĕн 12-мĕшĕнче пĕр килте вут-кăвар хуçаланма пуçланă-мĕн.
Ăна çак ялта пурăнакан, Алманчри пĕтĕмĕшле пĕлÿ паракан вăтам шкулта техслужащире ĕçлекен, Алиса Мефодьева вăхăтра асăрханă. Вăл çухалса кайман, тĕтĕмпе тулса ларнă пÿртрен кил хуçи арçыннине уçă сывлăша сĕтĕрсе тухнă, пĕрремĕш пулăшу кÿнĕ. Алиса Мефодьева çине тăнипе ял çыннисем пушара сарăлма паман, вăхăтра сÿнтернĕ.
А. Мефодьеван хăюлăхне, çухалса кайманнине, çынна вилĕмрен çăлнине тата вут-кăварăн тăкакне вăхăтра сирме пултарнине палăртмалла. Мухтава чăннипех те тивĕçлĕ çак хĕрарăм.