27 ноября 2009 г.
Раççей пуçлăхĕ Дмитрий Медведев Федераци Пухăвне янă Çырупа телевизор пăхса, радио итлесе тата хаçат вуласа та паллашрăм.
Мана унта çĕкленĕ чылай ыйтусем килĕшеççĕ. Тĕслĕх-рен, шкулсенче физкультура урокĕсене эрнере виçĕ сехет ирттересси пирки калани. Чăн та, ку ыйтăва Чăваш Енре темиçе çул маларах тапратнăччĕ. Хăш-пĕр çĕрте физкультура урокĕсене эрнере виçшер хут ирттерме те пуçланăччĕ. Анчах та кĕçех çак ырă пуçарăва темшĕн путарса лартрĕç. Укçа-тенкĕ тивĕçменрен е урăх сăлтавпа-ши, калама пултараймастăп.
Физкультурăпа спорт сывлăха çирĕплетме май параççĕ. Сывă наци — çĕр-шыв пуянлăхĕ. Унра — Раççей тĕрекĕ тата пуласлăхĕ. Çавăнпа та Дмитрий Медведев ку ыйтăва çĕкленине эпĕ чĕререн ырлатăп.
Çĕр-шыв сыхлăхне ÿстересси тата экономикине реформăласси пирки каланă сăмахсем те питĕ вырăнлă тесе шутлатăп.