13 ноября 2009 г.
Ноябрĕн 7-мĕшĕнче Канашри “Локомотив” спорт комплексĕнче ирĕклĕ майпа кĕрешсе Канаш хулинче çуралса ÿснĕ, халĕ Ханты-Мансийск автономлă округĕнчи — Юграри — Нефтеюганск районĕн пуçлăхĕн Владимир Семеновăн призĕсене çĕнсе илессишĕн республикăри уçă турнир иртнĕ.
Красноармейскинчи 2-мĕш шкулта вĕренекен Владимир Григорьев, унта 5 тытăçăвĕнче те çĕнтерсе, киле тĕп призпа — тĕрлĕ тĕспе кăтартакан шывпа кристалл экранлă (жидкокристаллический экран) телевизорпа таврăннă.
Ку шкулта пĕлÿ пухакан Николай Михайлов “Çĕнтерÿшĕн ăнтăлнăшăн” ятарлă приза тивĕçнĕ.
Асăннă кĕрешÿçĕсемпе вĕсен тренерне Л. В. Павлова çитĕнÿпе саламлатпăр.