13 ноября 2009 г.
Ноябрĕн 3-мĕшĕнче, С. И. Петрова асăнса, мини-футбол енĕпе Заволжски ЛПУМГра мала тухассишĕн уçă турнир вĕçленчĕ. Унта виçĕ ял тăрăхĕнчи 8 команда хутшăнчĕ.
Финалта “Вольник” тата “Трассовик” командăсем тĕл пулчĕç. Вăйă вĕçленесси 9 çеккунт юлнă чух “Вольник” 2:1 шутпа малта пыратчĕ. Çав хушăра “Трассовик” команда кĕтесрен тапса вăйă шутне танлаштарчĕ. Тĕп вăхăт никам та çĕнтерейменнипе вĕçленнĕ май, çĕнтерÿçĕне палăртма командăсен пенальти тапма лекрĕ. Ку хутĕнче ăнăçу “Трассовиксен” енче пулчĕ. “КС” команда, “АУПа” çĕнтерсе, виççĕмĕш вырăна тухрĕ.
“Трассовик” командăри Вячеслав Филиппов турнирти — “Чи лайăх бомбардир”, Владимир Иванов (“Вольник”) — “Чи лайăх вратарь”, Петр Григорьев — “Чи лайăх хÿтĕлевçĕ”, Денис Тян “Чи лайăх тапăнса вылякан” тесе йышăннă.