10 ноября 2009 г.
Район территорийĕнче октябрĕн 2—31-мĕшĕсенче обществăлла йĕркелĕхе пăснине кăтартнă сводкăран.
Октябрĕн 4-мĕшĕнче Шупуçĕнчи пĕр хĕрарăм амăшне ятлаçса кÿрентернĕ.
Октябрĕн 5-мĕшĕнче 17 сехет çурăра Васнарти кĕтÿрен Красноармейскинчи пĕр арçынăн хура тата шурă тĕслĕ такисем çĕтнĕ.
Октябрĕн 15-мĕшĕнче Супарти пĕр ватă хĕрарăмăн сарайĕнчен хăмасем йăкăртнă.
Октябрĕн 15-мĕшĕнче пушара пула Сурăмхĕрринчи 1960 çулта çуралнă хĕрарăмăн паспорчĕ çунса кайнă.
Октябрĕн 20-мĕшĕнче каçхине хăйĕн килĕнче Çĕньял Карайри пĕр арçын арăмне “тип мунча” кĕртнĕ.
Октябрĕн 22-мĕшĕнче паллă мар çынсем коммуналлă хуçалăхăн хапхине çĕмĕрсе кĕрсе йывăç çурмалли тата саваламалли станок вăрласа кайнă. Хакĕ — 291 тенкĕ.
Асăннă тапхăрта районта 17 çын вилнĕ.