20 октября 2009 г.
Юпа уйăхĕн 15-мĕшĕнче Трак енре Чăваш телевиденийĕн пултарулăх ушкăнĕ пулчĕ.
Алена Алексеева журналистпа Владимир Сергеев телеоператора малтанах район пуçлăхĕ С. А. Николаев йышăнчĕ, тăван районăн 75 çулхи юбилейне хатĕрленес ĕçсем мĕнле пынипе паллаштарчĕ.
Унтан пултарулăх çыннисем “Заволжский” клуба çитрĕç, кунти Жанна Михайлова ăстаçă ертсе пыракан “Рукодельница” тата “Пÿрнеске” кружоксен ĕçĕ пирки телесюжет хатĕрлерĕç. Малалла вĕсем халăх пултарулăхĕн районти çуртĕнче правăна сыхлакан органсен ветеранĕпе Г. Сергеевпа тĕл пулчĕç. Геннадий Сергеевич ветерансен хорĕпе халăх театрĕн ĕçне яланхиллех активлă хутшăнать. Яманак ялĕнче вара телевидени ĕçченĕсем йывăçран тĕрлĕ япала ăсталакан маçтăрпа Петр Иванович Ивановпа курнăçрĕç.