13 октября 2009 г.
Нумай хутлă çуртсем умĕнче ларакан автомашинăсенчен бензин юхтарса илнĕ тĕслĕхсем юлашки вăхăтра ытлах палăрмастчĕç (тен, выльăх-чĕрлĕхпе ытти пысăк япаласен вăррисене алăран ярса илни те пулăшрĕ пулĕ лăпкăн пурăнма).
Иртнĕ шăмат кун каç Ленин урамĕнчи 84-мĕш çурт çывăхĕнчи уйрăм автомашинăсен водителĕсем ирпе техникăна тĕрĕслесен бензин юхтарса илнине тупса палăртрĕç. Эппин, çĕнĕрен вăраннă бензин вăррисем. Машинăсен хуçисем вăрра тупса палăртмашкăн черетпе çĕнĕрен дежурство тăма йышăнчĕç. Ку ĕçе районти шалти ĕçсен пайĕн дежурнăй службин хутшăнсан та аванччĕ. Пĕрле вăрра тупса палăртма пулатех. Çĕрле усăсăр катаччи чупакан машинăсен хуçисене те лайăхрах тĕрĕслемелле ахăр.
Вĕренĕн вĕçĕ пурах. Унчченхи çулсенче сыхласа вăрăсене алăран ярса илни те пулнăччĕ. Халĕ те çавăн пек шăпах кĕтмелле вăрăсене.