Публикации » Ватă çынсемпе “Ылтăн кĕркунне” уявĕнче

Пĕтĕм тĕнчери ватă çынсен кунне районти судра юпа уйăхĕн 2-мĕшĕнче пысăк йышпа паллă турĕç. Ку тытăмра вăй хурса тивĕçлĕ канăва тухнисене, хăй вăхăтĕнче судьяра ĕçленĕ çынсене пĕрле пуçтарса ăшшăн-ăшшăн саламларĕç, вĕсен ĕçĕ-хĕлĕ çинче чарăнса тăчĕç, пурнăçра мĕн пур лайăххине çеç сунчĕç.

Юлашки çулсенче районти судра асăннă праçникпе пĕрле "Ылтăн кĕркунне" уява ирттересси те йăлана кĕрсе пырать. Кăçал та çаплах пулчĕ. Конкурссене район сучĕн судйисем, миравай судья, судсенче ĕçлекенсем тата хаклă хăнасем хутшăнчĕç. "Кĕркуннехи чи лайăх сăвă" номинацире суд секретарĕ Т. А. Осипова пĕрремĕш вырăн йышăнчĕ. "Кĕрхи хитре чечексемлинче" суд ларăвĕн секретарĕ Г. П. Петрова мала тухрĕ. "Кĕрхи тутлă апат-çимĕç" ятлинче вара миравай судьян пĕрремĕш номерлĕ участокĕн 1-мĕш класлă специалисчĕ Н. Г. Семенова çĕнтерчĕ. "Кĕр илемĕн тумĕ" номинацире район сучĕн председательне пулăшаканĕ И. М. Ефимов палăрчĕ.