02 октября 2009 г.
Ял хуçалăх предприятийĕсемпе хресчен-фермер хуçалăхĕсенче ял хуçалăх техникине хĕллехи управа йĕркеллĕ вырнаçтарса лартса унăн ĕмĕрне ÿстерес тесе, район пуçлăхĕ С. Николаев октябрĕн 1—24-мĕшĕсенче районта техникăна хĕл каçма лартас енĕпе смотр-конкурс ирттересси çинчен постановлени кăларнă.
Смотр-конкурса йĕркелесе пыма тата унăн кăтартăвĕсене пĕтĕмлетме 5 çынран комисси туса хунă, унăн председателĕ — патшалăх технадзорĕн районти инспекцийĕн начальникĕ Ю. В. Агатьев.
Асăннă смотр-конкурса ирттерме хатĕрленĕ положенине çирĕплетнĕ. Постановленире вырăнсенче октябрĕн 1—24-мĕшĕсенче ял хуçалăх техники мĕнле лару-тăрура пулнине пур енлĕн тĕрĕслесе тăрса, ăна хĕл каçма ГОСТ ыйтнă пек вырнаçтарса лартмалли пирки каланă.
Смотр-конкурс кăтартăвĕсене ял хуçалăх предприятийĕсен ертÿçисен, инженерипе техника ĕçченĕсен тата ĕç сыхлавĕн специалисчĕсен семинар-канашлăвĕнче пăхса тухма палăртнă.