07 августа 2009 г.
Регионти адреслă программăпа килĕшÿллĕн, кăçал Красноармейскинчи нумай хваттерлĕ 19 çурта тĕпрен юсамалла. Çак ĕçе тума подрядлă вунă организаци кÿлĕннĕ. Ку йыша тулли мар яваплă “Классик”, “Градос”, “Стимул-плюс”, “Грин”, “Волготранс-Ч”, “МСО “Аликовская”, “Минстрой”, “Алстрой”, “Ремстроймаркет”, “Сенкер” — уçă, “Регионстрой” хупă йышши пĕрлешÿсем кĕреççĕ. Юсав ĕçĕсем ирттерме федераллă бюджетран 15 588 пин тенкĕ укçа уйăрнă. Июлĕн 29-мĕшĕ тĕлне 13 142 пин тенкипе усă курнă. Тĕслĕхрен, Ленин урамĕнчи 31, 57, 66, 72-мĕш, Механизаторсен урамĕнчи 2, 4, 6, 10, 12-мĕш, Г. Степановри — 17, 25, 32, В. Васильеври — 8, Çĕнтерĕве 30 çул урамри 20-мĕш номерлĕ çуртсенче палăртнă ĕçсен 90-95 процентне пурнăçланă.
Паян Ленин урамĕнчи 66-мĕш çурт стенисем çине пăхма кăмлăллă. Кунти 57, 72-мĕш, В. Васильеври — 6, Механизаторсен урамĕнчи 2, 4-мĕш номерлĕ çуртсен тăррисем тек шыв юхтарса хăшкăлтармĕç, вĕсене тĕпрен çĕнетнĕ.