08 мая 2009 г.
Николай Карай кĕçĕн çулхи шкул ачисем валли çĕнĕ парне хатĕрлерĕ. Чăваш кĕнеке издательствинче унăн “Ураллă
купăс” кĕнеки пичетленсе тухрĕ. Ăна ÿкерчĕксемпе
В. И. Игнатьева художник илемлетнĕ. Тиражĕ 2000
экземпляр. Кĕнекене Шупашкарта “Книжные новинки” магазинта туянма пулать.
Пĕлетĕп, манăн 1975 çулта пичетленсе тухнă “Шăллăм” ятлă ача-пăча кĕнекине чылайăшĕ: “Манăн пĕрремĕш кĕнеке”, — тет. Ку, паллах, чуна савăнтарать.
Мĕншĕн çыратăп-ха? Эпĕ ачасене юрататăп. Ача пурнăçра çитĕннĕ çын курманнине курать, çитĕннĕ çын илтменнине илтет. Мĕн курнине, мĕн илтнине хăйне май каласа пама пĕлет. Çакă вăл — чи пахи.
Ман ачалăх хама ыттисенчен урăхларах пек туйăнать. Сăвă е калав çырнă чухне шухăшсем мана ачалăха илсе каяççĕ. Унта маншăн çырса, каласа кăтартмалли темĕн чухлех.