31 марта 2009 г.
Пĕр çамрăк, культура ĕçченĕ, концертпа çÿренĕ те киле часах таврăнайман. Унăн упăшки икĕ кунлăх калымра пулнă. Вăл кĕçĕр киле çитмелле.
Хĕрарăм каçпа киле таврăнать те тĕлĕннипе икĕ аллине хире-хирĕç çат! çеç тутарать.
— Апайтурух! Сарайĕнче сурăх пăранласа пăрахнă. Путекки сивĕпе шăнса вилнĕ, — куляннипе тăр! тăр! чĕтренĕ культура ĕçченĕ. — Упăшка çапса пăрахать вĕт.
Тапкă-çапкăран хăтăл-маллах. Шухăша путнă хĕрарăм. Ара, ялта сурăх ферми пур-çке. Тата пĕр сурăхĕ йĕкĕреш пăранланине пĕлет вăл. Ферма ĕçченĕпе калаçать те путеке киле илсе пырать.
Сурăххи ют путеке патне те ямасть. Ĕмĕртме-и.
— Сурăх пăранларĕ те… Фу! Темшĕн ĕмĕртесшĕн мар, — упăшки умĕнче тарлă çамкине çанă вĕçĕпе шăлать хĕрарăм. — Фу!..
Çапла майпа “тип мунча” кĕрессинчен хăтăлса юлать хĕрарăм.