Публикации » Хапăл туса кĕтетпĕр!

24 марта 2009 г.

Планпа килĕшÿллĕн, халăх пултарулăхĕн районти çуртĕнче пуш уйăхĕн 24-мĕшĕнче театра юратакансен “Театральная весна” фестиваль эрни уçăлать. Унта “Под крылом Пегаса” ятпа сăвă вулакансен II конкурсĕ иртет. Ун хыççăн — пуш уйăхĕн 26-мĕшĕнче — ачасен “Ладушки” пултарулăх фестивалĕн “Как Несмеяна стала Хохотушкой” гала-концерчĕ пулать. Тепĕр кунне “Театральная весна” фестивалĕн эрни “Смеяться право не грешно” мероприятипе вĕçленет. Куракансене ака уйăхĕн 1-мĕшĕнче хамăр пата йыхравлатпăр. Çак кун сцена çинче пĕрремĕш хут сире валли “День семейных трусов” питĕ шÿтлĕ те хаваслă вăйăпа конкурс программи пулать. Мероприятие ирттерекенсем арçынсен кĕске йĕмĕсен выставкине йĕркелеççĕ. Сире пурне те конкурса хутшăнма чĕнетпĕр. Хăйсем шухăшласа кăларнă арçынсен кулăшла кĕске йĕмне çĕлесе хатĕрлекенсене вара парнесем кĕтеççĕ. Конкурса хутшăнма кăмăл тăвакансене 2-24-83 телефонпа шăнкăравласа пĕлтерме ыйтатпăр. Хапăл туса кĕтетпĕр сире!