24 марта 2009 г.
Мартăн 17-мĕшĕнче “Янмурзино” хуçалăра отчетлă пуху пулнă.
Унта кооператив ертÿçи Э. Петров отчет туса панă. Доклада З. Петрова тĕп бухгалтер, З. Тимофеева тĕп агроном, Э. Яковлев тĕп инженер тата И. Александров ферма заведующийĕ пуянлатнă.
Пухура кооператив 2008 çулта ÿсен-тăран продукцийĕсене туса илессипе япăхах мар ĕçленине палăртнă. Тĕп фондсене 15 миллион тенкĕлĕхе яхăн çĕнетнĕ. Çав вăхăтрах хуçалăх выльăх-чĕрлĕх отрасльне аталантарасси çине сахалтарах тимлĕх уйăрнă.
Пухура выльăх-чĕрлĕх тата сăвакан ĕнесен йышне ÿстерме йышăннă. Кооператив членĕсем 2009 çул валли производствăпа финанс планне çирĕплетнĕ.
Отчетлă пуху ĕçне район пуçлăхĕн çумĕ Н. Антонов тата ял хуçалăх пайĕн экономика енĕпе ĕçлекен специалист-эксперчĕ М. Васильев хутшăннă.