20 марта 2009 г.
Райхаçат редакцине куллен вуншар çыру килет. Акă, икĕ-виçĕ кун каялла редакци сĕтелĕ икçĕрмĕш çырупа пуянланчĕ.
Унăн авторĕ — Карайри Н. Д. Дмитриев — Карай çыравçă. Вăл вăтăр çула яхăн Çĕпĕрте пурăннă. Пĕлтĕр вара тăван кĕтесе таврăнчĕ. Профессийĕпе — вĕрентекен. Мĕн ачаранпах “Ял пурнăçĕ” хаçатпа туслă çыхăну тытать. Калавсем, сăвăсем, новеллăсем çырать. Кулăш ăсти те вăл.
Н. Карай редакци обществăлла çыравçăсем хушшинче 2008 çулта ирттернĕ конкурсра та пĕрремĕш вырăн йышăнчĕ, дипломпа хаклă укçан премие тивĕçрĕ.