20 марта 2009 г.
Ку тĕллевпех вĕсемшĕн яваплă специалистсемпе пуш уйăхĕн 12-мĕшĕнче район администрацийĕн çуртĕнче черетлĕ ятарлă семинар-канашлу ирттернĕ, кашнинех методика пособийĕсемпе тивĕçтернĕ.
Ял тăрăхĕсен сайчĕсене информаци тĕлĕшĕнчен çÿллĕ шайра тытса тăрасси, информаципе коммуникаци хатĕрĕсене пăхса тăрас çĕрти тата сайтсен рейтингĕнчи çитменлĕхсенчен çийĕнчех хăтăласси, хушма баннерсемпе пайсене йĕркелесси тата тытса тăрасси пирки унта район администрацийĕн йĕркелÿпе тĕрĕслев управленийĕн пуçлăхĕ В. Ю. Иванов, информатизаци секторĕн заведующийĕ В. Т. Никифоров, ку секторăн ертсе пыракан специалисчĕсем С. Ю. Шабалкинăпа И. В. Ананьева тата вырăнти хăйтытăмлăх органĕсемпе ĕçлекен секторĕн ертсе пыракан специалисчĕ А. Г. Капрова тухса калаçнă.