17 марта 2009 г.
Мартăн 7-мĕшĕнче Шывпуç шкулĕнче “Айтăр-ха, хĕрсем!” конкурс иртрĕ.
Пĕтĕм тĕнчери хĕрарăмсен кунне халалланă конкурсра икĕ ушкăн тупăшрĕ. Хĕр ачасем тĕрлĕ енĕпе вăй виçрĕç: пĕр-пĕрне саламласси, шкул формине çĕлесси, тĕрлĕ ăпăр-тапăртан усăллă япаласем тăвасси, кĕвĕпе ташласси-юрласси, ыйтусене тĕрĕс хуравласси.
Икĕ ушкăн хĕр ачисем те маттур пулчĕç. Тупăшура туслăх çĕнтерчĕ.
Конкурса А. Шахмайкинпа С. Владимиров ертсе пычĕç. Юлашкинчен пурте хĕр ачасем хатĕрленĕ апат-çимĕçе тутанса пăхрĕç.